და მიიღე საჩუქრები!
გადალახეთ ზღვარი და მიიღეთ გარანტირებული საჩუქრები 2024
აქციის "გადალახე ზღავრი და მიიღე გარანტირებული პრიზები 2024" -ის რეგულაციები ქართულ ბაზარზე.
I. ზოგადი პირობები
1. აქციის „გადალახე ზღვარი და მიიღე გარანტირებული პრიზები 2024“-ის ორგანიზატორი არის [შემდეგში ასევე ნახსენებია როგორც აქცია] შეზღუდული პასუხისმგებლობის საზოგადოება (შპს) MANN+HUMMEL FT Poland სათავო ოფისი ქ. გოსტინში (პოლონეთი) ვროცლავსკას ქ. 145, 63-800 გოსტინი, შეყვანილია რაიონული სასამართლოს პოზნანში - ნოვე მიასტო და ვილდა პოზნანში, ეროვნული სასამართლო რეესტრის მეწარმეთა რეესტრში, IX კომერციული განყოფილება ნომრით ესრ: 0000674026, საგადასახადო საიდენტიფიკაციო ნომერი (NIP): 696-14-13-485 [შემდგომში ასევე ორგანიზატორი].
2. აქცია მოიცავს ყველა FILTRON და/ან WIX Filters მარკის ფილტრებს და ორგანიზებულია FILTRON BENEFIT 2024-ის ფარგლებში.
3. აქცია ვრცელდება საქართველოს ტერიტორიაზე რეგისტრირებულ ბიზნეს სუბიექტებზე, რომლებიც წარმოადგენენ "FILTRON BENEFIT" -ის[შემდგომში პროგრამა] სარეკლამო პროგრამის მონაწილებს, დამატებითი რეგულაციით დადგენილი პირობების მიხედვით [სარეკლამო პროგრამის „FILTRON BENEFIT“-ის რეგულაციები ქართულ ბაზარზე].
4. აქცია იწყება 01.03.2024 წელს და მთავრდება 31.07.2024 წელს
5. აქციაში მონაწილეობა შეუძლია მხოლოდ იმ სუბიექტს, რომელიც ეწევა სამეწარმეო საქმიანობას და არის პროგრამის მონაწილე [„მონაწილე“].
6. სუბიექტებს, რომლებიც არ მონაწილეობენ "FILTRON BENEFIT"-ის სარეკლამო პროგრამაში, არ შეუძლიათ მონაწილეობის მიღება ამ აქციაში.
7. აქციის მართვის მთავარი ინსტრუმენტი არის ვებგვერდი www.Georgia.filtron.eu, რომლის მეშვეობითაც მოხდება აქციის მონაწილეთა რეგისტრაცია, მათი აქტივობისა და შედეგების აღრიცხვა.
II. აქციის ჩატარების წესები
1. აქციაში მონაწილეობის პირობა არის FILTRON BENEFIT-ის სარეკლამო პროგრამაში გაწევრიანება და ვებგვერდზე: www.Georgia.filtron.eu მოცემულ მომწოდებელთა სიაში ჩამოთვლილ მინიმუმ ერთ მომწოდებლისგან FILTRON ან/და WIX Filters-ის ბრენდის ფილტრების შეძენა 01.03.2024 წლიდან 31.07.2024 წლამდე პერიოდში, ასევე სარეკლამო პროგრამის წესებზე თანხმობა, რეგისტრაცია და სისტემაში მითითებული სიიდან მინიმუმ ერთი მომწოდებლის არჩევა.
2. მონაწილემ უნდა გაიაროს რეგისტრაცია ვებგვერდზე www.Georgia.filtron.eu დებულების II.1. პუნქტში აღწერილი წესების გათვალისწინებით, რომელიც შედგება:
ა) ინდივიდუალური მონაწილის პროფილზე საკონტაქტო ინფორმაციის დამატება და/ან განახლება,
ბ) მომწოდებლის (მომწოდებლების) არჩევა, ვისგანაც მონაწილე ყიდულობს FILTRON და/ან WIX Filters ფილტრებს.
გ) განცხადების წარმდგენი ან უფლებამოსილი პირის მიერ აქციის „გადალახე ზღვარი და მიიღე გარანტირებული პრიზები 2024“ -ის რეგულაციების გაცნობა და თანხმობა.
დ) FILTRON BENEFIT-ში პირველად რეგისტრაციის შემთხვევაში, რეგისტრაციის დროს მითითებულ ელ.ფოსტაზე გამოგზავნილ რეგისტაციის დამადასტურებელ ბმულზე გადასვლა,
ე) განცხადება იმის შესახებ, რომ განაცხადის წარმდგენი პირი არის უფლებამოსილი იმოქმედოს მონაწილის სახელით.
3. FILTRON BENEFIT-ში პირველად რეგისტრაციის შემთხვევაში, რეგისტრაციისას მითითებულ ელ-ფოსტაზე გაიგზავნება აქტივაციის ბმული. აქტივაციის ბმულზე გადასვლა არის აქციაში მონაწილეობის საბოლოო დადასტურება. FILTRON BENEFIT-ის წინა აქციის დროს დარეგისტრირებული მონაწილეების შემთხვევაში - ორგანიზატორი გამოგიგზავნით შეტყობინებას მონაწილის ანგარიშზე მითითებულ ელ-ფოსტაზე, რომელიც დაადასტურებს აქციაში მონაწილეობის მიღებას.
4. აქციაში ჩართვა შესაძლებელია, ნებისმიერ დროს მისი მიმდინარეობის პერიოდში.
5. აქციის მონაწილეს უფლება აქვს ნებისმიერ დროს უარი თქვას აქციაში მონაწილეობაზე. ამის შესახებ განცხადების გამოგზავნა შესაძლებელია ფოსტით ორგანიზატორის მისამართზე ან ელ-ფოსტით მისამართზე Georgia@filtron.eu, შეტყობინების სათაურით „აქციაში „გადალახე ზღვარი და მიიღე გარანტირებული პრიზები 2024“ მონაწილეობაზე უარის თქმა“.
6. აქციაში მონაწილეობის მიღებისას, მონაწილე უფლებას აძლევს ორგანიზატორს, მიიღოს მონაცემები (ღირებულებები დღგ-ს გარეშე) იმ მომწოდებლებისგან ვისგანაც აქციის ფარგლებში მონაწილემ განახორციელა FILTRON ან/და WIX Filters ფილტრები შესყიდვები.
7. აქციაში აღერიცხება მონაწილეთა მხოლოდ ის შესყიდვები, რომლებიც შესრულებულია სიაში მითითებულ მომწოდებლებისგან, სია მოცემულია ვებგვერდზე: www.Georgia.filtron.eu.
8. მომწოდებლებისგან მიღებული FILTRON და/ან WIX Filters ფილტრების რეალიზებული ღირებულებები (დღგ-ს გარეშე) ორგანიზატორის მიერ ჩაიწერება შესაბამისი მონაწილის ინდივიდუალურ პროფილზე, იმ თვიდან, როდესაც მონაწილემ მიუთითა მომწოდებელი თავის პროფილზე, რეგულაციის II.1 პუნქტის თანახმად.
9. მონაწილის მიერ შეძენილი FILTRON ან/და WIX Filters ფილტრების ღირებულება (დღგ-ს გარეშე) ყველა მომწოდებლისგან ავტომატურად დაემატება მონაწილის მიერ შექმნილ ინდივიდუალურ პროფილს.
10. შეძენილი FILTRON ან/და WIX Filters ფილტრების ღირებულება (დღგ-ს გარეშე) განახლდება მონაწილის პროფილზე თვეში ერთხელ, არაუგვიანეს წინა თვის მე-7 სამუშაო დღისა, იმ პირობით, რომ მომწოდებელი მიაწოდებს ორგანიზატორს შესაბამის მონაცემებს. მონაწილეები ეთანხმებიან იმას, რომ ორგანიზატორს არ შეუძლია დამოუკიდებლად გადაამოწმოს მათ მიერ შეძენილი ფილტრების ღირებულება (დღგ-ს გარეშე) და მონაწილეებს არ აქვთ უფლება განაცხადონ პრეტენზია ორგანიზატორის მიმართ შესყიდვების მოცემული ღირებულების წარუდგენლობასთან დაკავშირებით.
11.წინა აქციის «FILTRON BENEFIT 2023» მონაწილეებისთვის ორგანიზატორის მიერ დაწესებულია 20% ბონუსი შარშანდელი შედეგის გაუმჯობესებისთვის. აღნიშნული ბონუსის მისაღებად მონაწილე აუცილებლად უნდა იყოს შარშანდელი 2023 წლის აქციის მონაწილე, ასევე აუცილებელია შემდეგი პირობების შესრულება:
ა) ბონუსის გამოთვლის ბაზას წარმოადგენს FILTRON BENEFIT 2023 PARTICIPANT-ის ანგარიშზე რეგისტრირებული ღირებულება. თუკი მიმდინარე წელს მონაწილე გადააჭარბებს 2023 წლის იმავე პერიოდის შესყიდვების ღირებულებას, განსხვავება წლევანდელ და შარშანდელ შესყიდვებს შორის გამრავლდება 20%-ზე. (ღირებულებები დღგ-ს გარეშე). შედეგად მიღებული პრემიის თანხა დაემატება აქციის წევრის ანგარიშზე შესყიდვების რეგისტრირებულ ღირებულებას.
ბ) მიმდინარე აქციაში რეგისტრირებული შესყიდვების ღირებულებისა და შესყიდვების ზრდის ბონუსის [სხვაობის 20% ბონუსი] დამატების შედეგად მიღებული თანხა იქნება მოხსენიებული, როგორც შესყიდვის შედეგი..
გ) იმ შემთხვევაში, თუ აქციის მონაწილეს ანგარიშზე რეგისტრირებული შესყიდვების ღირებულება ნაკლებია FILTRON BENEFIT 2023 PARTICIPANT-ის ანგარიშზე რეგისტრირებული შესყიდვების ღირებულებაზე, მონაწილე ვერ მიიღებს ბონუსს. თუ აქციის მიმდინარეობის მთელი პერიოდის განმავლობაში შესყიდვების ღირებულება უფრო დაბალი იქნება ვიდრე 2023 წლის პროგრამაში მიღწეული, მაშინ შესყიდვების გაზრდის პრემია იქნება 0 ლარი.
დ) შესყიდვების ზრდის ბონუსის ღირებულება მონაწილის-ის ანგარიშზე რეგისტრირებული შესყიდვების ღირებულებას დაემატება აქციის ბოლო თვის მონაცემების იმპორტის შემდეგ, მხოლოდ იმ პირობით, რომ შესყიდვების ღირებულება არ იქნება ნაკლები ვიდრე FILTRON BENEFIT 2023-ში. ამგვარად მოხდება მონაწილის შესყიდვების საბოლოო შედეგის ფორმირება.
ე) ზემოაღნიშნული ბონუსი არ წარმოადგენს ფულად ჯილდოს, ეს არის უბრალოდ რეგისტრაციის ჩანაწერი, რომელიც გავლენას ახდენს ამ მონაწილის შესყიდვის შედეგებზე აქციის მიზნებისთვის.
12. კონკრეტული შესყიდვის ზღვრის გადალახვა [ინდივიდუალური მონაწილის პროფილზე დაფიქსირებული FILTRON და/ან WIX Filters მარკის ფილტრების შესყიდვების ღირებულება(დღგ-ს გარეშე)] მონაწილეს აძლევს უფლებას მიიღოს შესაბამისი პრიზი, რომელიც აღნიშნულია დებულების III პუნქტში.
13. FILTRON ან/და WIX Filters ფილტრის შესყიდვების ღირებულების (დღგ-ს გარეშე) შესაბამისი ქულები განისაზღვრება რეგულაციების პუნ. III.1.დ.-ის მიხედვით, რომელიც საშუალებას გაძლევთ აირჩიოთ პრიზები www.Georgia.filtron.eu -ზე მოცემული კატალოგიდან.
14. აქცია არ მოიცავს შემთხვევითობის ელემენტებს. აქცია არ არის აზარტული თამაში, ლატარია, რომლის შედეგიც დამოკიდებულია შემთხვევითობაზე, (აზარტული თამაშების შესხებ 2009 წლის 19 ნოემბრის კანონის 2 მუხლის დებულებების თანახმად).
III. პრიზები
1. ორგანიზატორმა მონაწილეებისათვის დააწესა პრიზები (შემდგომში ასევე მოიხსენიება როგორც ჯილდოები):
ა) ჯილდოების სია მათი ღირებულებით (გამოხატული სააქციო ქულებით) წარმოდგენილია პრიზების კატალოგში ვებგვერდზე www.Georgia.filtron.eu
ბ) მონაწილეს პრიზის მიღების უფლება ენიჭება გარკვეული შესყიდვის ზღვრის მიღწევისთვის (გადამწყვეტი ფაქტორი არის შესყიდვების საბოლოო შედეგი, რომელიც განსაზღვრულია რეგლამენტით II.11.დ. ). შესყიდვების ეტაპობრივი ზღვრების გადალახვაზე განკუთვნილი ქულების ოდენობას ადგენს ორგანიზატორი, იმ წესების და პრინციპების საფუძველზე რომლებიც მოცემულია რეგლამენტში.
გ) აქციის მიმდინარეობის სრული პერიოდის განმავლობაში მონაწილის მიერ მიღებული ჯამური საბოლოო შედეგის, რეგლამენტის II.11.დ. პუნქტით გათვალისწინებული, მინიმალური ოდენობა შეადგენს 500 ლარს (დღგს გარეშე)
დ) კონკრეტული შესყიდვის ზღვრის მიღწევისას, მონაწილეს უფლება აქვს მიიღოს შემდეგი რაოდენობის სააქციო ქულები:
| შესყიდვის ზღვარი ლარში | პრიზებში გადასაცვლელი ქულების რაოდენობა |
| 60 000 | 3 000 |
| 50 000 | 2 500 |
| 43 000 | 2 100 |
| 36 800 | 1 750 |
| 30 700 | 1 450 |
| 24 600 | 1 150 |
| 22 000 | 1 000 |
| 19 600 | 900 |
| 17 200 | 790 |
| 14 700 | 670 |
| 12 300 | 560 |
| 9 250 | 420 |
| 6 100 | 275 |
| 4 900 | 220 |
| 3 700 | 165 |
| 2 450 | 110 |
| 1 850 | 85 |
| 1 250 | 55 |
| 1 000 | 45 |
| 750 | 35 |
| 500 | 25 |
| 0 - 499,99 | 0 |
შესყიდვის ზღვარი აღინიშნება ლარში (დღგ-ს გარეშე).
იმ შემთხვევაში, თუ აქციის სრული პერიოდი განმავლობაში, მონაწილე ვერ დააგროვებს საბოლოო შესყიდვის მინიმალურ ოდენობას, რომელიც აღნიშნულია რეგულაციების III.1.დ. პუნქტში, ორგანიზატორი იტოვებს უფლებას გააუქმოს მინიმალური შესყიდვის ზღვარი მონაწილის სასარგებლოდ.
ე) მონაწილე ირჩევს სააქციო ქულების შესაბამისი ოდენობის პრიზებს.
ვ) მონაწილეების მიერ სარეკლამო ქულების გადაცვლა პრიზებში (პრიზების არჩევა) უნდა განხორციელდეს მონაწილის პროფილზე, რომელიც გახსნილია ვებგვერდზე www.Georgia.filtron.eu მომწოდებლისგან ბოლო მონაცემების გადაცემიდან 7 დღის განმავლობაში, (13-დან 19.08.2024 პერიოდში)
ზ) თუ მონაწილე არ აირჩევს პრიზებს რეგულაციის III.1.ვ პუნქტში მითითებულ ვადაში, მონაწილეს აღარ ექნება პრიზების მიღების უფლება.
2. ორგანიზატორი აცხადებს, რომ პრიზების მიღებასთან დაკავშირებული ნებისმიერი საგადასახადო ვალდებულება ეკისრება მონაწილეს.
IV. პრიზების მიღება
1. გამარჯვებულებს პრიზები გადაეცემათ ფოსტის ან კურიერის საშუალებით 31.10.2024 წლამდე (ზუსტი დრო დამოკიდებულია გაგზავნის თარიღზე), თუმცა ორგანიზატორს უფლება აქვს გააგრძელოს ეს ვადა. ორგანიზატორის მიერ მითითებული ვადის გახანგრძლივების შემთხვევაში, მონაწილეს ამის შესახებ მიეწოდება ინფორმაცია სამი მეთოდიდან ერთ-ერთის საშუალებით: ტელეფონი, ელ-ფოსტა ან SMS.
2. თუ აქციის გამარჯვებული უარს ამბობს პრიზზე, აღარ აქვს პრიზის მიღების უფლება სხვა დროს.
3. ორგანიზატორი არ არის პასუხისმგებელი ფოსტისა და პრიზების მომწოდებელი საკურიერო კომპანიის სერვისის ხარისხზე.
V. საჩივრის შეტანის წესი
1.ნებისმიერი პრეტენზია [საჩივარი] აქციის შესახებ შეიძლება წარდგენილ იქნას აქციის მიმდინარეობის დროს ორგანიზატორის მისამართზე: შეზღუდული პასუხისმგებლობის საზოგადოება (შპს) MANN+HUMMEL FT Poland, ვროცლავსკას ქ. 145, 63-800 ქ. გოსტინი, პოლონეთი (გადამწყვეტია ზემოაღნიშნულ მისამართზე საჩივრის მიღების თარიღი) ან ელექტრონული ფოსტის მისამართზე Georgia@filtron.eu, არაუგვიანეს 07.11.2024 . რაც შეეხება მონაწილის ინდივიდუალური პროფილის "ჩემი შესყიდვები" ქვეგვერდზე არსებულ შესყიდვების ღირებულებასთან დაკავშირებულ საჩივრებს, საჩივარი შეიძლება წარდგენილი იყოს 
-ზე დაჭერის შემდეგ ხელმისაწვდომი ფორმის საშუალებით
(„შეატყობინე შეუსაბამობა"), რომელიც გამოჩნდება ყოველი ჩაწერილი ღირებულების გვერდით, არაუგვიანეს თვის ბოლომდე წინა თვის ღირებულებისთვის (მაგ. თუ შეცდომით მოცემული ღირებულება ეხება 2024 წლის აპრილის საყიდლებს, ამის შესახებ საჩივრის წარდგენა შესაძლებელია 2024 წლის 31 მაისამდე). გამონაკლისს წარმოადგენს 2024 წლის ივლისის მონაწილის ინდივიდუალურ პროფილებზე დაფიქსირებული შესყიდვების ღირებულებაზე საჩივრების წარდგენის შესაძლებლობა, რომლის წარდგენა შესაძლებელია 09.08.2024 წლამდე, 10:00 საათამდე.
2. საჩივრები პრიზის დაზიანებასთან დაკავშირებით, რომელიც არ იყო გამოწვეული მათი ტრანსპორტირებისას, განიხილება ორგანიზატორის მიერ მხოლოდ იმ შემთხვევაში, თუ შეკვეთა შემოწმდება ადრესატის მიერ მისი მიღების დროს (და ამ ინფორმაციას მიაწოდებს ორგანიზატორს) და თუ წერილობით მიეწოდება ეს ინფორმაცია კურიერს და ორგანიზატორს პრიზის მიღებიდან 7 დღის განმავლობაში (მნიშვნელოვანია საჩივრის მიღების თარიღი).
3. მონაწილეს უფლება აქვს შეცვალოს შეკვეთილი პრიზი მხოლოდ მისი დაზიანების შემთხვევაში, რომელიც მოხდა ტრანსპორტირებამდე, ან როდესაც პრიზი გაიგზავნება შეცდომით. საჩივრის გასაგზავნად, მონაწილე უნდა დაუკავშირდეს ორგანიზატორს შეკვეთის მიღებიდან 7 დღის ვადაში და დააბრუნოს პრიზი საჩივრის მიზეზების დეტალური აღწერით და მონაწილის მისამართის მითითებით (გადამწყვეტია ზემოაღნიშნულთან დაკავშირებით საჩივრის მიღების თარიღი, მისამართი, რომელიც მითითებულია ზემოთ 1 პუნქტში). ორგანიზატორი უფლებას იტოვებს უარი თქვას დაბრუნებული პრიზების მიღებაზე ზემოთ აღნიშნულის პირობების შეუსრულებლობის შემთხვევაში. უფრო მეტიც, ორგანიზატორი არ მიიღებს გამარჯვებულის მიერ გამოყენებულ ან დაზიანების ნიშნების მქონე პრიზებს.
4. საჩივრებსა და წინააღმდგებობებს განიხილავს რეგულაციების მე-4 პუნქტში აღნიშნული ორგანიზატორის მიერ დანიშნული კომიტეტი.
5. განიხილება მხოლოდ ზემოთ მითითებულ მისამართებზე წერილობით ან ელ-ფოსტით წარდგენილი საჩივრები.
6. საჩივრის შეტანის პროცედურა გრძელდება 14 დღემდე საჩივრის მიღების დღიდან და მისი შედეგის შესახებ ინფორმაცია მონაწიეს გაეგზავნება ინდივიდუალურ პროფილზე და/ ან ელ-ფოსტის მისამართზე, რომელიც მითითებულია მონაწილის პროფილზე. საჩივრის პროცედურის დამთავრების შემდეგ, მონაწილეს უფლება აქვს საჩივარი შეიტანოს პოლონეთის შესაბამის სასამართლოში შეზღუდული პასუხისმგებლობის საზოგადოება MANN+HUMMEL FT Poland სათაო ოფისი ქ. გოსტინში, წინააღმდეგ.
VI. სარეკლამო პროგრამის ჩატარების ზედამხედველობა
1. აქციის ზედამხედველი იქნება 3-კაციანი კომისია, რომელიც დანიშნულია შეზღუდული პასუხისმგებლობის საზოგადოება MANN+HUMMEL FT Poland-ის სათაო ოფისი ქ. გოსტინში,გენერალური პარტნიორის მმართველი საბჭოს მიერ.
2. ორგანიზატორი უფლებას იტოვებს გადაამოწმოს ზემოაღნიშნული კომისიის მიერ FILTRON და/ან WIX Filters ფილტრების შეძენის რეალური შესაძლებლობა მონაწილის პროფილზე დაფიქსირებული ღირებულებების დამადასტურებელი ანგარიშ-ფაქტურების და/ან ზედნადების გადამოწმების საშუალებით.
3. ორგანიზატორი იტოვებს უფლებას შეაჩეროს პრიზების მიწოდება იმ შემთხვევაში, თუ არსებობს დასაბუთებული ეჭვი, რომ მონაწილის საქმიანობა არ შეესაბამება რეგულაციებს. ასეთ შემთხვევაში, მონაწილე, ორგანიზატორის მოთხოვნით, ვალდებულია წარმოადგინოს მონაწილის პროფილზე დაფიქსირებული FILTRON-ის და/ან WIX Filters ფილტრების სადავო შესყიდვის ღირებულებების დამადასტურებელი ანგარიშ-ფაქტურა და/ან ზედნადები. ზემოაღნიშნული დოკუმენტების წარუდგენლობის, არარსებობის ან ყალბი დოკუმენტების მიწოდების შემთხვევაში, რაზეც არსებობს მონაწილის მხრიდან ბოროტად გამოყენების დასაბუთებული ეჭვი, ორგანიზატორის მიერ საეჭვო ღირებულებები წაიშლება მონაწილის პროფილიდან.
4. აქციის დასრულების შემდეგ კომისია შეადგენს ოქმს შედეგებით.
5. ნებისმიერი საკითხი, რომელიც არ რეგულირდება ამ რეგულეციებით, წყვეტს კომისია.
VII. საბოლოო დებულებები
1. აქციაში მონაწილეობით, მონაწილე ეთანხმება წინამდებარე რეგულაციებით დადგენილ პირობებს.
2. აქციის რეგულაციები ასევე ხელმისაწვდომია ორგანიზატორის სათაო ოფისში და ვებ-გვერდზე www.Georgia.filtron.eu, დანართში „წესები“.
3. ორგანიზატორი არ ითვალისწინებს გამარჯვებულის ფულადი ექვივალენტის გადახდის შესაძლებლობას პრიზის სანაცვლოდ.
4. მონაწილეებს არ აქვთ უფლება სპეციფიური მახასიათებლების მქონე პრიზები ან მათი ექვივალენტები (საგნობრივი ან ფულადი).
5. თუ პრიზის კატალოგში შემოთავაზებული კონკრეტული პრიზი მიუწვდომელია ორგანიზატორისთვის გარკვეული მიზეზების გამო, ორგანიზატორი იტოვებს უფლებას შეცვალოს პრიზის ფერი, მახასიათებლები ან შეცვალოს იგი მსგავსი ღირებულების, ხარისხისა და ტიპის მქონე სხვა პრიზით.
6. პრიზები გამყიდველის ან მწარმოებლის საგარანტიო ბარათით, შესაძლო საჩივრების შემთხვევაში, ექვემდებარება გასაჩივრებას მწარმოებელის საგარანტიო პირობების შესაბამისად.
7. ორგანიზატორი არ არის პასუხისმგებელი პრიზის ხარვეზზე თუ ეს ხარვეზი არ არის წინამდებარე რეგლამენტის რეგულაციის ქვეშ.
8. წინამდებარე რეგულაციით პრომო აქცია ნიშნავს პროდუქციის გაყიდვას პრიზების გაცემით, ორგანიზატორის და პრომო აქციის მონაწილეების გაყიდვების ზრდის მიზნით.
9. ორგანიზატორი არ არის პასუხისმგებელი მონაწილეთა საგადასახადო ვალდებულებებზე, რომლებიც გამოწვეულია აქციაში მათი მონაწილეობით და არ არეგულირებს აქციაში მონაწილეობის შედეგად მონაწილეთათვის საგადასახადო შედეგებს.
10. იმ საკითხებში, რომლებიც არ რეგულირდება ამ რეგულაციებით, გამოიყენება პოლონეთის სამოქალაქო კოდექსის შესაბამისი დებულებები და პოლონეთის კანონმდებლობის სხვა შესაბამისი დებულებები.
11. ორგანიზატორი იტოვებს უფლებას განახორციელოს დამატებითი აქტივობები მიმდინარე აქციის ფარგლებსა და ვადებში, რომელიც განკუთვნილია მონაწილეებისთვის, რის შესახებაც ის აცნობებს მონაწილეებს ვებ გვერდის www.Georgia.filtron.eu და ელ-ფოსტის საშუალებით.
12. ორგანიზატორი იტოვებს უფლებას შეცვალოს სარეკლამო წესების შინაარსი მისი მიმდინარეობის განმავლობაში, რაც არ დაარღვევს მონაწილეთა მიერ მიღებულ უფლებებს. ორგანიზატორი 7 დღის ვადაში აცნობებს მონაწილეებს ცვლილებების შესახებ მონაწილის პროფილზე მითითებული ელ-ფოსტის მისამართზე. გარდა ამისა, რეგულაციებში შეტანილი ნებისმიერი ცვლილება განხილული იქნება ვებგვერდზე www.Georgia.filtron.eu, დანართში „წესები“.
13. ორგანიზატორი გაცნობებთ, რომ აქციის ფარგლებში შეთანხმებული შესყიდვების ზღვრები, ქულების კოეფიციენტები და ქულებით გამოხატული პრიზების ფასები დაანგარიშებულია 29,02,2024 საქართველოს ეროვნული ბანკის მიერ დადგენილი ოფოციალური გაცვლითი კურსით - 1 ევრო/2,88 ლარი. იმ შემთხვევაში, თუკი მოხდება ლარის მნიშვნელოვანი გაუფასურება ევროს მიმართ (10% და მეტი) და/ან საშუალო წლიური ინფლაცია საქართველოში (10% და მეტი), ორგანიზატორი იტოვებს უფლებას შეცვალოს შესყიდვების ზღვრები, ქულების კოეფიციენტები და ქულებით გამოხატული პრიზების ფასები პროპორციულობის წესის გამოყენებით.
14. ტერიტორიაზე სადაც ტარდება აქცია, ომის, შეიარაღებული კონფლიქტის ან ეკონომიკური და ფინანსური სანქციების შედეგად იმ ვალუტის კურსის, რომლითაც ხდება შესყიდვების აღრიცხვა, გაუფასურების (29,02,2024წ დაფიქსირებული ლარის კურსის გაუფასურება ევროს მიმართ 30% და მეტად, მაღალი ინფლაცია 20%-ზე მეტი) შემთხვევაში, რაც ორგანიზატორისგან დამოუკიდებელი მიზეზებით ხდება, ორგანიზატორი იტოვებს უფლებას გააუქმოს/დროზე ადრე დაასრულოს აქცია, ამასთან მიღებული გადაწყვეტილება გავლენას არ იქონიებს იმ მომენტისთვის, როდესაც ეს გადაწყვეტილება იქნება მიღებული, უკვე დაგროვებულ ქულებსა და მათ გამოყენების უფლებაზე.
15. აქციის ჩატარების წესები რეგულირდება მხოლოდ წინამდებარე რეგულაციის საფუძველზე. ყველა სარეკლამო-სააქციო მასალა განკუთვნილია მხოლოდ საინფორმაციო მიზნებისთვის.
